احذرو مكتب الاخوة بجاردن سيتى

[صيدلي مخضرم]

مكتب الاخوة من المكاتب سيئة السمعة

وكمان متعاقد مع صيدليات سيئة السمعة بالسعودية

وطبعا بيقول كلام كله كذب عشان يقنع الصيدلي بالسفر وخلاص

وكأن الصيادلة سلعة يريد بيعها

فعلا مكتب نخاسة

[MoHaMeD MaGdY]

الحمد لله
انا كان جايلى عرض من خلاله
صيدليات جابر بن حيان فى تبوك
4500 اساسى
السكن والانتقالات عليهم
5% على مبيعات 30 دواء بس ده برة العقد
مفيش اجازات سنوية
والجمعة بتشتغل 7 ساعات بس

[صيدلي مخضرم]

الاساسي علي كام ساعة بقي وتفاصيل العقد ايه؟؟؟؟؟؟
عموما انا كنت في المجموعة دي وبكل امانة هنقلك الصورة لما كنت هناك
هية مجموعة 6 صيدليات داخل تبوك منها صيدلية في مستوصف وطبعا انت اول ما هتروح هناك هتنزل عليها
وعلي فكرة المكتب هيشكر لك في الكفيل ويقولك بتاع ربنا والحق يقال هو راجل مش محترم بالمرة وبخيل جدا
ومعاملته مع الصيادلة والدكاترة البشريين ذي الزفت ودائما له تعليقات غير مقبولة
صيدلياتهم عموما مفهاش عمال تماما الصيدلي هناك بيرص الدواء ويبص علي الاكسبير والحاجة اللي ناقصة انك تمسح الارض
العمال في المستوصف قليلين جدا 4 وبيعملو كل حاجة وفيه واحد منهم بيمسح صيدلية المستوصف كل يوم وانت طبعا اللي بترص الدواء وفيه تحت المستوصف مستودع كبير كمان انت اللي بتنزله وتجيب منه نواقصك تحطها في كرتونة كبيرة وتطلعها مش كده وبس لدرجة ان الصيدليات البعيدة عن صيدلية المستوصف طبعا الصيادلة بيبعتوا كل يوم اوردر بالنواقص فمش بتوصل كلها فبيطروا يروحو المستودع بنفسهم عشان يحضرو الطلبية بتاعتهم وبيخدوا معاهم الضروري منها وبعدين الباقي سالم بيوصله بالعربية
يعني انت من الاخر بتشتغل عامل وصيدلي في نفس الوقت غير بقي تعليقات الكفيل اللي كل يوم بيروح المستوصف بالليل
علي فكرة العمال عليهم استرس جامد قوي لانهم بينظفو المستوصف وبيوصلو الدكاترة للسكن وبيشوفو طلبات الممرضات اللي ساكنة جوة المستوصف وبيوصلو الطلبيات للصيدليات وهم اربعة فقط وبيعطيهم راتب صغير جدا وبيشغلهم ساعات زيادة وممكن يزعقولك انا مرة اتخانقت مع واحد فيهم وبيعاملوك العمال زي الزفت كأنك اقل منهم عارف ليه لأنهم بيرقبوك وينقلو اخبارك للكفيل ومدير المستوصف وخصوصا سالم الاندونيسي هو مقرب جدا للكفيل قاسم القحطاني وامه بتشتغل عند الكفيل في البيت شغالة
وتحس انك قاعد في وسط المخابرات الامريكية من كتر نقل الكلام
مدير المستوصف سعودي واسمه عمر وهو شخصية برضو عجيبة متسلقة كان شغال موظف استقبال ومرة واحدة بقي المدير عارف ليه لانه كان بينقل اي اخبار عن الدكاترة والموظفيين اللي في المستوصف للكفيل فحبه ورقاه
علي ايامي كان فيه مدير للصيدليات صيدلي من المنصورة راجل محترم جدا وبيقف جنب الصيادلة لكنه كان راضي بالامر الواقع كذا مرة اقوله عايزين عمال للصيدلية يقولي هو الوضع كده هعمل ايه واسمه محمد الشربيني ومش عارف هو لسة هناك ولا ايه لانه كان بيفكر ينزل نهائي لما كنت هناك


علي فكرة تبوك كلها بدو انا ماكنتش بسمع كلمة دكتور دي غير يمكن من واحد بس وكله كان بيقولي يامحمد او يامعلم او ياولد
اهل تبوك معاملتهم صعبة ومشاكلهم كتير

والمستوصف ده نسبة الاحلال فيها عالية جدا والدكاترة مش بتستحمل المعاملة السيئة من الكفيل ولا بخله الشديد

واجازتهم علي ايامي شهر كل سنتين وعموما اي عقد مفهوش اجازة سنوية تعرف انه عقد سئ ومجموعة مش محترمة

وهو علي فكرة بيدفعك المكتب حوالي 4000 الاف جنيه وهناك بتدفع تمن الامتحان والاقامة اللي بتتجدد كل سنة

وخد بالك لو وعدوك بأي حاجة في الانترفيو ومش مكتوبة في العقد يبقو بيضحكو عليك زي ما عملو فيه ووعدوني بضعف الاساسي
وبعدين لما رحت قالي انت ملتزم بعقدك وماكنش فيه غير الاساسي

اه نسيت اقولك ان الحاجة الوحيدة اللي كويسة هناك انك لا تسأل الايراد النهاردة قليل ليه

[صيدلي مخضرم]

نسيت اقولك ان صيدلية المستوصف بتعمل في اليوم من 4000 الي 8000 ريال كاش غير شركات التامين اللي بالهبل بتتعامل معاهم وبرضو بتعمل قد المبلغ ده في اليوم وانت بتقف وحدك في الصيدلة

اما الصيدليات التانية واحدة بتعمل 800 الي الف باليوم ودي صيدلية كحيانة جدا وفيه واحدة بتعمل 2000 باليوم الي 2500 وفيه واحدة بتعمل من 3000 الي اربعة باليوم ودي تحت سكن الكفيل علي طول او في بيته بمعني اصح وفيه اتنين تانيين بيعملو متوسط 2800 باليوم


انصحك بلاش تسافر عليهم لانك هتكره نفسك

وكان فيه مجموعة تانية في تبوك اسمها صيدليات تبوك وهي مجموعة كبيرة ومحترمة وتابع ليها كذا مستوصف ومديرها راجل محترم وهو دكتور بشري مصري وتابع لها كذا مستوصف منهم العفاري الطبي
و الكفيل اساسا من الرياض وعايش في الرياض ونادرا ما بيروح تبوك وبرضو هو راجل محترم

[dr_fares]

على فكرة انا مليشش دعوة بالموضوع خالص بس بحب اشكر الصيدلى مخضرم على المعلومات وانه عطاها ومبخلش بيها عن حد وده قليل

[MoHaMeD MaGdY]

بجد متشكر جدا على المعلومات دى
انا صرفت نظر اصلا عن السفرللصيدلية دى وهصبر شهرين يكون النهدى والدواء نزلوا او اشوف اى مجموعة محترمة بعقد محترم

[Fevadol tab]

نرجوا من الزملاء الصيادلة اللى يسافر على مكتب ويرميه فى مجموعة او صيدلية سيئة يعمل بلاغ لوزارة القوى العاملة عن هذا المكتب

[دكتور مصطفى جلال]

اقسم بالله العلى العظيم ان هذا المكتب مكتب نصب كبير وفيه ناس قمه السوء والفجر وابرزهم محمد الشيخ هذا الرجل غير سوى بالمره . احذروا مكتب الاخوه بجاردن سيتى هياكل بعقلك حلاوه وهم متعاقين مع اوسخ كفللاء ف المملكه . والله العظيم ان هذا كلام صدق . اى صيدلى يبعد عنهم احسن مهما كان العقد حتى لو هتاخد 10000 ريال هتروح تلاقيهم 3000 ريال ابعد ابعد

[محمد السيد البسيونى]

مكتب قذر . وسى ء السمعه احذروه

[sherif89]

انا اعرف واحد كان فيها بيقولي فعلا نفس الكلام السيئ عنها
ده غير ان الراتب كان لحد فتره بسيطه 3000 ريال و 700 اوفرتي علي 30 يو في الشغل
ووفيش بدل سكن بيوفر سكن اعزب ولو اتجوزت يبقي علي حسابك
وان كل اللي فيها بيهرب في الاجازه ومايرجعش سوواء المصريين او اليمنيين الصيادله

[more]

فى احد المقابلات بمكتب الاخوة
اتصلى على المكتب وقالى مجموعة صيدليات كبيرة بالرياض
العرض كان سنة 2007 عبارة عن 3500اساسى 8 ساعات عمل مواصلات وسكن
الجمعة اجازة
يوجد نسبة 1%من الصفر
لو هاتشتغل الجمعة او اى ساعة اضافية هاتكون الساعة بساعة ونصف الكلام دة قالو لى فى التليفون
ولكن عندما قابلة صاحب المجموعة سالتة عن العقد فقال
3000ريال 12ساعة جمعتين عمل 3شهور بدل سكن 1%من الصفر اجازة 15يوم
ودى كانت التجربة الوحيدة مع الاخوة وطبعا ماسافرتش معاهم

[dr.jo]

الاخوة الصيادلة ثحياتى لكم جميعا اود تحذيركم من صاحب مكتب نصب وليس سفريات اسمه سيد الحناوى صاحب مكتب الحناوى بفيصل واقسم بالله ليس كلامى عن سمع ولكن عن تعامل شخصى معه احترسوا من هذا الافاق وتمنياتى لكم جميعا بالتوفيق

[asprin]

فعلا مكتب نصاب ونحذر زملائنا منه

[شبيه الريح]

لو سمحتوا يا دكتره عايزين نجمع الكلام بتاع المكاتب ده في مشاركة واحد جديدة بدل القديمة وكل واحد فينا اكيد علي الاقل اتعامل مع 5 مكاتب يقول ايه اللي بيحصل بالظبط وبالتفصيل علشان الصيادلة الجداد يكون عندهم خلفية وتعم الفائدة علينا رغم عدم استجابة بعض الصيادلة للتحذيرات الموجوده من صيدليات او مكاتب بس مش هانمل

[محمد السيد البسيونى]

مكتب قذر اوعى حد يسافر من عندهم .

[هشام]

يا ريت تفاصيل اكتر عن مكتب الحناوي وياريت لو يكون عن تجربة شخصية مش مجرد سمع
وجزاكم الله خيرا

[صيدلى جميل]

مكتب الاخوة والله مكتب نصابين حسبى اللة ونعم الوكيل